01 ноября 2024, 11:08
Мæздæджы арæзт æрцыд гом турнир эстетикон гимнастикæйæ «Амондджын сабидуг»
Баст уыд бинонты азимæ
Мæздæджы физкультурон-дзæбæхгæнæн комплекс «Чемпион»-ы арæзт æрцыд гом турнир эстетикон гимнастикæйæ «Амондджын сабидуг». Баст уыд бинонты азимæ. Ерысты архайдта 300 гимнасткæйы онг Уæрæсейы Хуссар хайы 10 горæтæй. Æдæппæтæй 40 командæйы. Турниры чызджытæ æвдыстой сæ фæлтæрддзинад, хуыздæр кодтой сæ арæхстдзинад. Сæ номыртæ бацæттæ кодтой 6-æй 16 азы онг спортсменкæтæ. Алы кары категорийы дæр сбæрæг кодтой хуыздæрты. Ныр Цæгат Кавказы федералон зылдæй гимнасткæтæ архайдзысты æппæтуæрæсеон ерысты. Уыдзысты иннæ аз январы.
