Йæ автор у Мæздæджы фыццæгæм скъолайы рауагъдон Левон Вартанян
Мæздæджы районы культурæйы галуаны арæзт æрцыд музыкалон спектакль «Ключ игры»-йы премьерæ. Йæ автор у Мæздæджы фыццæгæм скъолайы рауагъдон Левон Вартанян. Йæ хъæппæрис царды рауадзын Левонæн баххуыс кодтой музыкалон театр «Синяя птица»-йы хъомылгæнинæгтæ. Алцыдæр бакодта ацы коллективы труппæ. Райдай режиссеры хъуыдытæй æмæ сценикон костюмтæй стæй реквизитæй фæуы. Левон Вартанян 10 азæй фылдæр цæуы театрмæ, æмæ фидæны фæнд кæны йæ цард сфæлдыстадимæ сбæттын. Актеры дæсныйад, сценикон аив дзырд, хореографи æмæ вокал. Театр «Синяя птица»-мæ цы сывæллæттæ цæуынц, уыдон исынц алывæрсыг хъомылад. Æвзонг азтæй фæстæмæ райдайынц дунейы актуалондæр фарстатыл хъуыды кæнын. Уыдон арæх рахæссынц сценæмæ дæр. Уымæ гæсгæ мюзикл «Ключ игры» дæр дзуапп дæтты ахсджиаг фарстайæн – цавæр зиан хæссынц компьютерон хъæстытæ адæймагæн, æмæ дзы куыд ис хи бахъахъхъæнын.
