Архайдтой дзы 100 сывæллонæй фылдæр
Мæздæджы арæзт æрцыд спортивон фестиваль «Фæнды мæ чемпион суæвын». Спортивон бæрæгбон райдыдта зарядкæйæ. Лæппутæн æмæ чызджытæн æй скодтой æнахъом сывæллæтты хъуыддæгты фæдыл инспектортæ. Фæстæдæр уыдысты ерыстæ ленк кæнынæй, футболæй, волейболæй. Архайдтой дзы 100 сывæллонæй фылдæр. Фестивалы сæйраг нысан у æнæниз цардыуаг парахат кæнын, рæзгæ фæлтæрмæ физкультурæ æмæ спортмæ уарзондзинад гуырын кæнын, фæсивæды активон цардмæ æмхиц кæнын, стæй спортивон традицитæ фидар кæнын. Фестивалы архайджытæ ма лæвæрдтой фæллоймæ æмæ хъахъхъæнынадмæ цæттæдзинады нормæтæ. Ерысты архайдтой æнæхъæн бинонтæй дæр. Уыдонæ арæзт æрцыыдысты эстафетæтæ. Фестивалы хатдзæгтæм гæсгæ се ппæты дæр схорзæхджын кодтой кубоктæй, майдантæй, кады гæххæттытæй æмæ зынаргъ призтæй.
