Дзæуджыхъæуы æмæ Мæздæджы командæтæ ацы æвзарæн ерысты архайдтой, цæмæй сæ бон нæ регионы кад æвдисын уа алыхуызон æппæтуæрæсеон турнирты
Мæздæджы арæзт æрцыдысты эстетикон гимнастикæйæ фыццаг бынат бацахсыны ерыстæ. Дзæуджыхъæуы æмæ Мæздæджы командæтæ ацы æвзарæн ерысты архайдтой, цæмæй сæ бон нæ регионы кад æвдисын уа алыхуызон æппæтуæрæсеон турнирты. Афтæмæй Мæздæг суазæг кодта эстетикон гимнастикæйæ турнир «Зимняя каруселы» архайджыты. Æдæппæтæй дзы сæ арæхстдзинад равдыстой 300 гимнасткæйы Краснодары крайæ, Ростовы облæстæй, Стъараполы крайæ, Кæсæг-Балхъары республикæйæ æмæ Цæгат Ирыстонæй. Хатдзæгтæм гæсгæ сбæрæг сты æртæ кары категорийы уæлахиздзаутæ. Тæрхонгæнджытæ сын аргъ кодтой æртæ категоримæ гæсгæ: техникæ, спортивон цæттæдзинад æмæ артистизм. Уæлахиздзаутæн радтой хæрзиуджытæ. Дыууæ командæйы ма райстой спортивон разрядтæ дæр. Ныр Мæздæджы «Аланочкæ»-йæн ис дыккаг разряд, Кисловодскæй командæ «Дрим» та – райста фæсивæдон спортивон разряд.
