Ацы хъуыддаг сæххæст кодтой районы прокурор Евгений Гусаровы, стæй районы прокуратурæйы коллективы хъæппæрисæй æмæ æххуысæй
Мæздæджы Уæлахизы парчы кадджын уавæры байгом кодтой, сæрмагонд æфсæддон операцийы чи фæмард, уыцы мæздæггаг хæстонтæн цыртдзæвæн. Ацы хъуыддаг сæххæст кодтой районы прокурор Евгений Гусаровы, стæй районы прокуратурæйы коллективы хъæппæрисæй æмæ æххуысæй. Мемориал сæвæрдтой сусхъæдтæй аллеяйы райдиан. Уый ныссагъдтой сæрмагонд операцийы хъæбатырты номыл. Нысан кæны алы фæлтæрты Фыдыбæстæ хъахъхъæнджыты *хсæн бастдзинад. Кадджын мадзалы архайдтой республикæйы прокуратурæйы, районы æмæ горæты разамынд, Цæгат Ирыстоны ветеранты Советы, Фонд «Фыдыбæстæ хъахъхъæнджыты» филиалы, «Хæстон æфсымæрады», æвзонг æфсæддонтæ. Скъола-интернаты ахуырдзаутæ бакастысты æмдзæвгæтæ, районы культурæйы хæдзары сфæлдыстадон къорд та бацæттæ кодта цалдæр музыкалон композицийы. Сæрмагонд æфсæддон операцийы чи фæмард, уыдоны ном æрхъуыды кодтой, минут æдзæмæй алæугæйæ. Кæронбæттæны мадзалы архайджытæ сæвæрдтой дидинджытæ æмæ веноктæ мемориалы цур.
