Проектæн ис æппæтуæрæсеон статус, æмæ йæ царды æххæст кæнынц нæ бæстæйы алы регионты
«Хъæбатыртæн сæ цардæмбæлттæ». Ахæм сæргондимæ хуызистыты равдыст байгом Мæздæджы. Проектæн ис æппæтуæрæсеон статус, æмæ йæ царды æххæст кæнынц нæ бæстæйы алы регионты. Цымыдисаг хъæппæрисы фарс рахæцыдысты 25 сылгоймаджы. Се ппæт дæр сты сæрмагонд æфсæддон операцийы зонæйы архайджыты бинойнæгтæ. Равдыст саразыны агъоммæ цыди къамисæн процесс. Йæ архайджыты хъуыди æфсæддон китель æмæ хæрзиуджытæ æрбахæссын. Уыимæ уæлæдарæс нысан кæны, сылгоймаджы уæхсчытыл цы бæрнондзинад ис, уый. Фыццаджыдæр дзы адæймаг схъарм вæййы, дыккаджы та дæтты æууæнк. Хуызистыты равдыст саразджытæ нысан кæнынц цæугæ мадзæлттæ аразын, æмæ Мæздæджы гарнизоны æфсæддон хæйттæ бабæрæг кæнын.
