Ныридæгæн авторы хæзнадоны ис 50 куыстæй фылдæр: нывкæнынадæй æмæ графикæйæ
Мæздæджы байгом Цæгат Ирыстоны сгуыхт нывгæнæг Юрий Побережныйы куыстыты юбилейон равдыст. Экспозицийы сæргонд фыццаг бакастæй у хуымæтæг, фæлæ, куыд фæзæгъынц, дзураг – «В Пути…». Юрий Побережныйы сфæлдыстад у хъæздыг æмæ бирæвæрсыг. Ныридæгæн авторы хæзнадоны ис 50 куыстæй фылдæр: нывкæнынадæй æмæ графикæйæ. Ирдæй æвдисынц йæ бирæ азты куыст, философон хъуыдытæ æмæ аивадон æрмдзæф. Мастер ахуыргæнæгæй кусы Мæздæджы сывæллæтты аивадон скъолайы. Активонæй фæархайы республикон равдыстыты. Ацы экспозици канд сфæлдыстадыл афæлгæст нæу, фæлæ арф æмæ цымыдисаг радзырд нывгæнæджы миддунейы тыххæй. Уæлдайдæр та алфамблай дунеимæ куыд баст у, уый. Юбилейон равдыст фенæн уыдзæн ацы мæйы кæронмæ.
