филиал вгтрк государственная телерадиовещательная компания “Алания”

Мæздæджы физкультурон комплексы уыд уæгъдибар хъæбысхæстæй гом республикон турнир «Мæздæджы гауыз». Традицион ерыстæ æрвылаз æрæмбырд кæнынц сæдæгай æвзонг лæппуты. Цалдæр азы размæ турнир сног кодта тренер Хуыриаты Георгий. 500 спортсменæй фылдæр æрбацыдысты Мæздæгмæ Цæгат Кавказы федералон зылды æппæт субъекттæй, Центрон Уæрæсейæ, Волгоградæй æмæ Чувашийæ. Алы уæзы категорийы уæлахиздзау дæр райста чемпионы рон. Призертæн саккаг кодтой кады гæххæттытæ æмæ сертификаттæ. Иумæйаг командон хыгъды фыццаг бынат бацахстой цæгатирыстойнаг хъæбысхæцджытæ, дыккаг æмæ æртыккаг бынæттæ та  – Цæцæны Республикæйæ æмæ Дагестанæй спортсментæ.