30 января 2024, 12:10
Мæздæджы хæдзар-интернаты цæрджытæ архайынц проекты «Мастерская у кровати»
Нæлгоймæгтæ æмæ сылгоймæгтæ 30 минутмæ сцæттæ кæнынц алыхуызон дзауматæ
«Мастерская у кровати». Афтæ хуыйны Мæздæджы хæдзар-интернаты цæрджытæ цы проекты архайынц, уый. Нæлгоймæгтæ æмæ сылгоймæгтæ 30 минутмæ сцæттæ кæнынц алыхуызон дзауматæ. Сæ хыгъды – сапон, баз-саше, мыдадзын цырагъ. Хи къухтæй конд дзаумæттæ кæрæдзийæн лæвар кæнынц бæрæгбæтты. Специалисттæ сын хуызæгтæ афтæ бацæттæ кæнынц, цæмæй сæ къухты æнгуылдзтæй фылдæр кусой. Йæ низмæ гæсгæ, йæ бон йæхимæ зилын кæмæн нæу, уыдон исынц сфæлдыстадæй терапия. Проект цас архайы, уыцы рæстæгмæ хæдзар-интернаты сарæзтой, йе нæниздзинад хъыгдард кæмæн у, уыцы адæмы куыстыты равдыст. Экспозици фенын у, кусæнуатмæ цы уазджытæ æрбацæуы, уыдоны бон.
темæмæ гæсгæ
