Куыстытæн аргъ кодтой номинациты «Фыдыбæстæйы Стыр хæсты хъæбатыртæ», «Уæрæсейы хъæбатыртæ», «Сæрмагонд æфсæддон операцийы хъæбатыртæ»
Мæздæджы Пушкины номыл библиотекæйы хатдзæгтæ скодтой нывæцæнты конкурсæн «Æз цæрын хъæбатыры уынджы». Куыстытæн аргъ кодтой номинациты «Фыдыбæстæйы Стыр хæсты хъæбатыртæ», «Уæрæсейы хъæбатыртæ», «Сæрмагонд æфсæддон операцийы хъæбатыртæ». Сывæллæтты ма сразæнгард кодтой сæ зындгонд æмзæххон Гуырдзыбеты Блашка æмæ номдзыд æфсадфæтæг Александр Суворовимæ баст хъуыддæгтæ. Нывæцæнтæ ныффыссыны тыххæй архайджытæ ныхас кодтой ветерантимæ, хистæр кары адæмимæ, информаци æмбырд кодтой скъолаты музейты, архивты, газетты. Се ппæт архайджыты дæр схорзæхджын кодтой кады гæххæттытæй, хуыздæр куыстыты автортæн та саккаг кодтой сæрмагонд призтæ.
