Се ппæт дæр сты алыхуызон конкурсты уæлахиздзаутæ, ерысты, викторинæты, квизты призертæ, скъолаты æмæ техникумты активисттæ
Мæздæджы кад кодтой, сæхи цардархайды алы къабæзты активонæй чи равдыста, ахæм фæсивæдæн. Се ппæт дæр сты алыхуызон конкурсты уæлахиздзаутæ, ерысты, викторинæты, квизты призертæ, скъолаты æмæ техникумты активисттæ. Æрыгон адæмæн зæрдылдарæн статуэткæтæ радта Мæздæджы администрацийы сæргълæууæг. Уæвгæ, курдиатджын лæппутæн æмæ чызджытæн æххуыс кæнын у бынæттон разамынды сæйрагдæр хъуыддæгтæй иу, – загъта Тугъанаты Иринæ. Ацы аз районы ахуыргæнæндæттæ балæвæрдтой дыууæ хатты фылдæр курдиæттæ, мæздæггаг хæрзиуæг райсыны тыххæй. Зæгъдзыстæм ма уый дæр, æмæ кадджын хæрзиуджытæ лæвæрдтой сывæллæтты технопарк «Кванториум»-ы конференцитæ аразæн залы. Статуэткæтæ райстой Мæздæджы фæсивæды 100 хуыздæр минæвары.
