филиал вгтрк государственная телерадиовещательная компания “Алания”

Мæздæджы кадджын уавæры Уæрæсейы Федерацийы национ гвардийы полкæн радтой æфсæддон тырыса. Хæстон иуæг абон æрбынат кодта Мæздæджы гарнизоны. Уым, Уæрæсейы алы регионтæй цы æфсæддонтæ æрбацыд, уыдон сæрыстырæй службæ хæссынц. Уæрæсейы гвардийы Дзæуджыхъæуккаг иугонды командæгæнæг Роман ТрУбин полчы командæгæнæгæн радта ног хуызы æфсæддон тырыса. Ахæм символ ис алы полкмæ дæр. У йæ сæйраг реликви. Нысан кæны хъару, намыс æмæ кадджын традицитæ. Парадон рæнхъыстад ацæугæйæ, æфсæддонтæн радтой паддзахадон хæрзиуджытæ, ордентæ æмæ майдантæ.