Мадзал саразыны хъæппæрис разынд дыууæ театралон студиты разамонæг, республикæйы театралон архайджыты цæдисы уæнг – Елена Давыдовамæ
Мæздæджы культурæйы галуаны ацыд «Адджинаджы бæрæгбон». Мадзал саразыны хъæппæрис разынд дыууæ театралон студиты разамонæг, республикæйы театралон архайджыты цæдисы уæнг – Елена Давыдовамæ. Сæрмагондæй бæрæгбонмæ æвзонг артисттæ æмæ сæ мадæлтæ сарæзтой традицион бинонты адджинæгтæ. Базон – базонтæ, викторинæтæ, стæй Мæздæджы цы алыхуызон адæмыхæттытæ цæрынц, уыдоны сусæгдзинæдтæ хæринаг кæнгæйæ. Мадзал рауад цымыдисаг æмæ мидисджын. Уымæй уæлдай ма, йæ саразджытæ радзырдтой адджинæгты равзæрды историйы тыххæй, стæй уазджытæн сæ зæрдыл æрлæууын кодтой, сæ кой цы радзырдты кæнынц, уыдон дæр. Кæронбæттæны бæрæгбоны архайджытæн фадат уыд адджинæгтæй ацаходынæн.