Кванториуммæ æрбахуыдтой, машинæтæ чи уарзы, ахæм уазджыты
«К лету на заметку». Афтæ схуыдтой сæ тематикон мадзал, кванториумы марафон саразджытæ. Кванториуммæ æрбахуыдтой, машинæтæ чи уарзы, ахæм уазджыты. Раздæр уал мадзалы архайджытимæ аныхас кодтой мæздæггаг пъæлицæйæгтæ. Уыдон лæппуты æмæ чызджыты зæрдыл æрлæууын кодтой, фæндаджы хи куыд дарын хъæуы, уый тыххæй. Уыимæ куыд машинæйы, афтæ велосипедтыл цæугæйæ дæр. Бæлвырд дæнцæгтыл сын бацамыдтой, доны æмæ доны объектты æдасдзинад, æмæ, бирæ адæм кæм æмбырд кæны, ахæм бынæтты хи куыд дарын хъæуы, уый. Кæрты та фæсивæдæн арæзт æрцыд атвотранспорты равдыст. Уым сæ бон уыди марафоны бацархайын, æмæ картингыл атезгъо кæнын. Кванториумы активон архайд фæуыдзæн проекттæ хъахъхъæныны куыстæй. Сентябры та ам æнхъæлмæ кæсынц техникæйы æмæ æрхъуыдыдзинæдты хъæздыг дунеимæ зонгæ кæнынмæ.
