Бархионтæ æмæ культурæйы галуаны кусджытæ бацæттæ кодтой аргъау «Новогодний переполох»
Акци «МыВместе»-йы бархионтæ, искæйы зындзинад йæ зæрдæмæ хæстæг чи исы уыцы адæм, æнæкоммерцион организациты, бизнес æмæ хицауады оргæнты минæвæрттæ ногæй баиу сты, цæмæй ног азы лæвар скæной рынчындæтты адæмы æнæниздзинадыл чи тох кæны, уыдоны сывæллæттæн. Бархионтæ æмæ Мæздæджы культурæйы галуаны кусджытæ бацæттæ кодтой аргъау «Новогодний переполох». Сабиты, сæ мадæлтæ æмæ фыдæлты ирхæфстой егъау куклатæ æмæ артисттæ, уыдысты Митын дада, Митын Чызг, Кощей Бессмертный, Снежная Королевæйы сурæтты. Аргъау уыд нырыккон цардмæ гæсгæ, фæлæ йæ сæйраг мидис уыд, хæрзгæнæг кæй фæуæлахиз вæййы фыдгæнæгыл. Аргъауы персонажтимæ сывæллæттæ дæр зарыдысты, архайдтой сæ хæслæвæрдтæ сæххæст кæныныл. Лæврæттæ райсынмæ та сæ æрбахуыдтой сценæмæ. Бæрæгбоны архайын кæй бон не сси, уыдонæн та сæ лæвæрттæ бахæццæ кодтой сæ хæдзæрттæм.
