Алы азты рауагъдонтыл зæрдæхæларæй сæмбæлдысты студенттæ æмæ ахуыргæнджытæ
Мæздæджы механикон-технологон техникум сбæрæг кодта йе 85 азы юбилей. Алы азты рауагъдонтыл зæрдæхæларæй сæмбæлдысты студенттæ æмæ ахуыргæнджытæ. Скодтой хуызистыты равдыст, стæй ахуыргæнæндоны историимæ баст видеоæрмæджытæ. Абитуриенттæн юбилеймæ бацæттæ кодтой дæсныйадæвдисæг ахуыртæ. Хуыздæр ахуыргæнджытæн радтой хæрзиуджытæ. Техникумы 85 азмæ цы хорз традицитæ ныффидар, уыдон ныр æххæст кæнынц алы фæлтæрты ахуыргæнджытæ. Се ппæтмæ дæр ис квалификацион категоритæ. Бæрæгбоны мадзæлттæ фесты концертæй. Зæгъын хъæуы уый дæр, æмæ астæуккаг профессионалон ахуырад фæсивæды хсæн у парахат. 9-æм кълæсты рауагъдонты 60% сæ профессионалон фæндаджы райдианæн равзарынц астæуккаг ахуырад.
