Цæцæны хæстæй чи нал сыздæхти, уыдоны хæстæджытæ
Мæздæджы район гуманитарон æххуысимæ бабæрæг кодтой Свердловскы облæсты цæрджытæ. Делегацийы хыгъды уыдысты, Цæцæны хæстæй чи нал сыздæхти, уыдоны хæстæджытæ. Рацыди 20 азæй фылдæр, фæлæ абоны онг ныййарджытæ нæ зонынц, сæ фырттæ кæм ныгæд сты, уый. Цæгат Ирыстонмæ фыццаг аз не ссыдысты. Кад скæнынц, æфсæддон мемориалы ныгæд чи ис, уыцы æбæрæг салдатты рухс номæн. Ам ныгæд ис 88 æбæрæг салдаты. Уазджыты архайдимæ мемориалы арæзт æрцыди митинг. Æппæтадæмон Сырх Дзуары Комитеты бæрæггæнæнтæм гæсгæ, ацы фарста чи зоны æмæ расайдзæн стыр гуманитарон катастрофæмæ. Æппæты уæззаудæртыл нымад сты гæрзифтонг ныхмæлæуддзинæдты фæстиуджытæ. Минут æдзæмæй алæугæйæ, митинджы архайджытæ дидинджытæ сæвæрдтой номарæн дзуары цур, æмæ æбæрæг салдатты ингæныл.
