Муниципалон сконды бюджетæй фæрæзтæ дихгонд цæуынц ацы къабазы ахуырады рæзтæн
Мæздæджы районы æххæстгонд цæуы, фæндаггон змæлды архайджыты фæтк ма халынмæ разæнград кæныны программæ. Муниципалон сконды бюджетæй фæрæзтæ дихгонд цæуынц ацы къабазы ахуырады рæзтæн. Сывæллæтты фæндаггон змæлды фæткыл ахуыр кæныны хъуыдджаджы цавæр цæстуынгæ æрмæг хъæуы, стæй ахадгæ ахуырты тыххæй фылдæр цæмæ хъæуы æргом здахын, уыцы мадзæлттæй администрацийы специалисттæн консультацитæ скæнынц автоинспекцийы минæвæрттæ. Ацы азæн ахуыргæнæн æрмæг балхæдтой, хæстæгдæр рæстæг сæ райсдзысты Мæздæджы районы скъолатæ. Педагогтæ куыд зæгъынц, афтæмæй, уый скъолатæн у стыр æххуыс, цæстуынгæ æрмæджы фæрцы сывæллæттæ хуыздæр бамбарынц фæндаггон змæлды фæтк. Ахуыргæнæндæтты ма сног кæндзысты тематикон стендтæ, стæй ацы программæмæ гæсгæ, районты фæзындзæни цæугæ автогородоктæ.
