Мадзал ацыди Цæцæны республикæйы контртеррористон операцийы рæстæг чи фæмарди, уыцы æбæрæг салдатты æфсæддон ингæны территорийы
Мæздæджы районы æхсæнадон организациты активисттæ архайдтой тыхмиты амæттæгты Æппæтадæмон боны сбæрæг кæныны. Мадзал ацыди Цæцæны республикæйы контртеррористон операцийы рæстæг чи фæмарди, уыцы æбæрæг салдатты æфсæддон ингæны территорийы. Ацы фæзуат саив кæныныл бакуыстой æхсæнадон организаци «Боевое братство», æмæ регионалон æхсæнадон организаци «Русь». Чъырæй сцахстой бардюртæ, сахуырстой дуæрттæ æмæ бандæттæ, бафснайдтой бырон. Уæвгæ, æхсæнадон кусджытæн фыццаг зиу нæу. Сæрды райдианæй нырмæ ЛУковскæйы хъазахъхъæгты æхсæнадимæ ныккарстой кæрдæг æмæ цалдæр хатты базылдысты фæзуатмæ. Фæззæджы та уырыссаг национ – культурон æхсæнады уæнгтæ снысан кодтой 30 талайы ныссадзын.
