Кинолентæ систа Цæгат Ирыстоны кинматографы Академийы командæ
Булкъон Ксантийы цард æмæ хъысмæт. Мæздæджы районы æвзонг цæрджытæн равдыстой документалон киноныв зындгонд æфсæддон разамонæг Мамсыраты Хаджумары тыххæй «Полковник Ксанти». Кинолентæ систа Цæгат Ирыстоны кинматографы Академийы командæ. Документалон ныв равдисыны размæ уал уазджытæн Мамсыраты Хаджумары сгуыхтдзинæдты, йæ ирд хъысмæты тыххæй радзырдта Мæздæджы районы ветеранты советы сæрдары хæдивæг Георгий Адамов. Мæздæджы сæргълæууæг Тугъанаты Иринæ куыд бафиппайдта, афтæмæй ацы проект у тынг ахадгæ. Рæзгæ фæлтæры ахуыр кæны патриотизмыл, фыдыбæстæ уарзыныл, æмæ йын аргъ кæныныл. Кинонывмæ бакæсынмæ æрбацыдысты фæсивæдон активы минæвæрттæ, иттæг хорз бæрæггæнæнтæыл чи ахуыр кæны, уыцы скъоладзаутæ, стæй профилактикон хыгъды чи ис, ахæм æнахъом сывæллæттæ. Инспектортæ куыд зæгъынц, афтæмæй ахæм мадзæлттæн ис стыр æмæ хъæугæ нысантæ. Чызджыты æмæ лæппуты зæрдæмæ документалон кинолентæ тынг фæцыд. Кæронмæ куы рхæццæ, уæд адæм райдыдтой æмдзæгъд кæнын. Уый фæстæ мадзалы архайджытæ Мамсыраты Хаджумары ном æрымысыдысты минут æдзæмæй алæугæйæ.
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)