Хъæуккаг культурæйы хæдзæртты кусджытæ йæм бацæттæ кодтой, сæхæдæг кæй бахуыдтой, ахæм костюмтæ
Конкурс-æркаст «Иры фарн» æххæст кæнгæйæ, Мæздæджы районы арæзт æрцыд цымыдисаг дефиле. Хъæуккаг культурæйы хæдзæртты кусджытæ йæм бацæттæ кодтой, сæхæдæг кæй бахуыдтой, ахæм костюмтæ. Зæгъæм, къаба «Конфетка» Магаты Ольгæ скодта йе взонг хъомылгæнинагимæ. Василиса Клокова та йæ къаба сфæлдыста пластикон æвгтæй æмæ канцелярон папкæтæй. Мадзалмæ йæ бацæттæ кодта Раздольныйы культурæйы хæдзары аивадон разамонæг Лариса Миронова. Сухотскийы сфæлдыстадон къорд та спайда кодта салфеткæты темæйæ. Гæххæттын салфеткæтæй сарæзтой костюмтæ «Афæдзы афонтæ». Къордæн разамынд дæтты Феруза Гульфанова. Дисы бафтыдтой Елена Лукьянчикова æмæ Ольгæ Панченко. Сæ тематикæ райстой Диснейы зындгонд «Малифисента»-йæ.
