11 адæймаджы сæ дысныйад фидардæр кæндзысты ахуырады къабазы
Мæздæджы районы куыст дæттыны центры специалистты хъæппæрисæй арæзт æрцыдысты, сывæллонмæ чи кæсы, ахæм æрыгон сылгоймæгтæн сæ дæсныйад фæфидардæр кæныны ахуыртæ. Проект æххæстгонд цæуы, национ проект «Демографи» æххæстгæнгæйæ. Дзæуджыхъæуы ахуырады кусджыты квалификаци уæлдæргæнæн институты специалисттæ ацыдысты Мæздæгмæ, æмæ ахуырадон проекты архайджытæн бакастысты лекцитæ. 11 адæймаджы сæ дысныйад фидардæр кæндзысты ахуырады къабазы. Скъолайы агъоммæйы хъомылгæнæджы профессионалон цæттæдзинадæн дихгонд цæуы 180 сахаты. Хъомылгæнæджы æххусгæнæгыл чи ахуыр кæндзæн, уыдонæн та дæттынц 72 сахаты. Проекты архайджытæм ис педагогон ахуырад, æмæ скъолайы ахуырады кусыны фæлтæрддзинад. Ацы проекты фæрцы та сын фадат уыдзæни, декретæй рацæугæйæ, профессионалон æмвæзадыл сæ куысты уæлхъус æрлæууынæн. Ахуырты сын баххуыс кæндзысты нырыккон мадзæлттæй пайда кæнын. Уымæй уæлдай, Мæздæджы куыстдæттыны центр æрæмбырд кодта, хæринаггæнæгыл æмæ медицинон хойыл сахуыр кæнын кæй фæнды, ахæм æрыгон сылгоймæгты къорд дæр.
