Хъæууон хæдзарады управленийы ахуырадон мадзалмæ æрæмбырд сты ацы къабазы минæвæртт
Мæздæджы районы ацыдис аграрон комплексы минæвæрттæн ахуырадон семинар. Хъæууон хæдзарады управленийы ахуырадон мадзалмæ æрæмбырд сты ацы къабазы минæвæрттæ. Семæ фембæлдысты хъæууон хæдзарады министрады специалисттæ. Ныхас цыди аграрон къабазы ныртæккæйы хъуыддæгтыл, афтæ ног фæндтæ æмæ нысантыл дæр. Зæгъын хъæуы уый, æмæ фæстаг рæстæг хъæууон хæдзарады цæуы бирæ ногдзинæдтæ. Сæ фæд ыл хорзырдæм уадзынц алыхуызон паддзахадон программæтæ æмæ проекттæ. Бæстонæй æрныхас кодтой ивгъуыд азы куысты хатдзæгтыл дæр. Цы къуылымпыдзинæдтиæ сæмбæлдысты, дзуапп радщтой ног документаци æмбырд кæныны мадзæлттыл дæр. Семинары дыккаг фарста уыди грантты конкурсты æмæ субсидитæ исыны фарста. Специалисттæ радзырдтой программæ «Семейная ферма»-йы архайæг суæвæн куыд ис, уый. Ам сæйрагдæр у бизнес-пълан æмæ йæ специалистты размæ цы хуызы рахæсдзынæ, стæй цы документтæм хъæуы фылдæр æргом раздахын, уый. Семинары рæстæг йæ архайджытæ сæ куыстæн базыдтой бирæ амынддзинæдтæ. Уæвгæ семинартæй уæлдай, гæнæн ис индивидуалон консультацитæн дæр. Ахæм форматы хъæууон хæдзарады специалисттæ фембæлдзысты æппæт районты аграритимæ дæр.
