Субсидитæ фæстæмæ фидын нал хъæудзæн
Мæздæджы районы бынæттон администрацийы дарддæр исынц чысыл æмæ астæуккаг бизнесæн баххуыс кæныны программæйы конкурсы архайынæн курдиæттæ. Субсидитæ фæстæмæ фидын нал хъæудзæн. Проект царды рауадзынæн фæрæзты бæрц конкурсы архайджытæ нымайынц сæхæдæг, бизнес-пълан аразгæйæ. Курдиæттæ ист цæудзысты 9-æм июлы онг, уый фæстæ сæм æркæсдзæни амалхъомдзинады фарстаты фæдыл координацион совет, æмæ снысан кæндзысты субсиди радтын. Ацы аз программæ сæххæст кæнынæн дихгонд æрцыди милуан æмæ рдæг. Фæрæзтæ кæмæн ратдзысты, уыдоны хсæн фыццаградонтæ сты, куысты бынæттæ радтын кæй бон бауыдзæни, ахæм адæм. Зæгъæм, фарон рамбылда инвестицион проект «Разведение русского осетра». Субсидийы æххуысæй ма иу амалхъом адæймаг балхæдта сæрмагонд кусæнгæрзтæ æмæ афтæмæй сæххæст кодта йæ проект æфсæйнаджы куыст кæныны къабазы.
