Афтæмæй бындуронæй сног кæндзысты Павлодольскæйы станицæйы æмæ Тельманы поселочы скъолатæ, стæй Мæздæджы 8-æм æмæ 108-æм скъолатæ
Мæздæджы районы дарддæр цалцæггонд цæуынц ахуыргæнæндæттæ. Афтæмæй бындуронæй сног кæндзысты Павлодольскæйы станицæйы æмæ Тельманы поселочы скъолатæ, стæй Мæздæджы 8-æм æмæ 108-æм скъолатæ. Бæстыхæйтты бындурон цалцæгимæ ма стыр æргом здахынц зынгсирвæзтыты ныхмæ æдасдзинады мадзæлттæм. Уæвгæ, куыстытæ нысантæм гæсгæ хъуамæ цæуой дыууæ азы, фæлæ аразджытæ зæрдæ æвæрынц, объекттæ эксплуатацийы раздæр раттынæй. Бæлвырддæр та – ацы азы кæронмæ. Ныртæккæ та уал бынæттон разамынды рдыгæй ахуырадон процессмæ цæуы бæстон цæстдард. Скъоладзауты баласынц, рæстæгмæ кæм ахуыр кæнынц, уыцы бынæттæм. Зæгъдзыстæм ма уый дæр, æмæ скъолаты бындурон цалцæджы федералон программæ Уæрæсейы ахуырады системæйы нымад у æппæтæй егъаудæрыл. Программæ æххæст кæнгæйæ, нæ республикæйы бындуронæй сцалцæг кæндзысты дæсгай скъолатæ. Ахсджиаг ма у уый дæр, æмæ цалцæггæнæн куыстытæ цæуынц, педагогты æмæ ныййарджыты хъуыдытæ хынцгæйæ.
