филиал вгтрк государственная телерадиовещательная компания “Алания”

Мæздæджы районы культурæйы галуаны арæзт æрцыди хъæлдзæг изæр. Ахæм фæткы сæ профессионалон бæрæгбон сбæрæг кодтой районы культурæйы кусджытæ. Мадзал сæмбырд кодта сфæлдыстадон кусджыты, се хсæн музыканттæ æмæ артисттæ. Районы культурæйы хæдзæртты кусджытæ уазджыты размæ рахастой се сфæлдыстадон курдиæттæ. Алы сфæлдыстадон къорд дæр адæмы бахъæлдзæг кодта сæ ирд номертæй. Уыдис дзы сценикон, цирчы æмæ театралон аивады жанртæ. Культурæйы къабазы хуыздæр кусджытæ хорзæхгонд æрцыдысты кады гæххæттытæй æмæ зæрдылдарæн лæвæрттæй.