Æвæрд æрцыд зындгонд францусаг драматург Роберт Томайы пьесæйы мотивтæм гæсгæ
Мæздæджы районы культурæйы галуаны стыр сценæйы уыд спектакль «Аст уарзæгой сылгоймаджы танго»-йы премьерæ. Æвæрд æрцыд зындгонд францусаг драматург Роберт Томайы пьесæйы мотивтæм гæсгæ. Фæлæ постановкæ фенæн ис ног хуызы. Сæйраг рольтæй иу йæхиуыл сбарста адæмон драмон театры аивадон разамонæг Татьяна СурАева. Рауад рог, динамикон æмæ ирд комеди хъæлдзæг нывты элементтимæ. Фæлæ пьесæйы сюжет у детективон. Хицæн хæдзары сусæг иртасæн куыст кæнынц 8 сылгоймаджы. Сæ нысан у, хæдзары хицауы чи амардта, уый ссарын. Йæ бинойнаг, йæ чызг, стæй ма райсгæ чызг, усы мад, хæстæг, æххуысрт сылгоймаг æмæ хæдзары кусæг. Ацы сылгоймæгтæй алкæмæн дæр уыд нæлгоймаджы амарыны æфсон. Режиссеры хъуыдымæ гæсгæ, мæздæггаг аивадуарзджытæ сæйраг фарстæн дзуапп афтæ дæр нæ райсдзысты, чи у фыдгæнæг, уый.
