Сфæлдыстадон изæрмæ æрмæст æфсæддонтæ не рбацыдысты, фæлæ сæ бинонтæ дæр, стæй музыкæ уарзджытæ.
Мæздæджы районы культурæйы Гулуаны концерт уыди Национ Гвардийы æфсæдты оркестрæн. Сфæлдыстадон изæрмæ æрмæст æфсæддонтæ не рбацыдысты, фæлæ сæ бинонтæ дæр, стæй музыкæ уарзджытæ. Залы зæлыдысты классикон æмæ эстрадон музыкæйы зæлтæ. Бирæтæ ацы уацмыстæ фехъуыстой фыццаг хатт. Концерты солисттæ аивадуарзджыты базонгæ кодтой се сфæлдыстадимæ, æмæ сын радзырдтой алы уацмысы историйы тыххæй дæр. Цымыдисаг уый уыди, æмæ адæм фехъуыстой кинонывтæй ист зарджытæ дæр. Къухæмдзæгъдæн кæрон нæ уыди. Кæронбæттæны арстисттæн районы бæрнон кусджытæ радтой арфæйы фстæджытæ, æмæ загътой, сæ зæрдæ кæй дарынц, хуыздæр æфсæддон къорд амæй фæстæмæ дæр кæй рухс кæндзæн районы цæрджыты зæрдæтæ, уый.
