Фембæлд арæзт уыд бынæттон хиуынаффæйады администрацийы. Архайдтой дзы республикæйы хицауады уæнгтæ æмæ министртæ.
Мæздæджы районы кусæг балцы рæстæг республикæйы сæргъæлууæгмæ сæ фарстатимæ æрбацыдысты цæрджытæ дæр. Фембæлд арæзт уыд бынæттон хиуынаффæйады администрацийы. Архайдтой дзы республикæйы хицауады уæнгтæ æмæ министртæ.
Цардархайды алыхуызон фарстатимæ æрбацыд 12 адæймаджы.
Троицкæйы цæрæг бирæсывæллонджын мад Валентина Кузнецова радзырдта, электрон телты аххосæй кæй басыгъд сæ хæдзар, æмæ йæ курдиат у – цæмæй сын баххуыс кæной фыццаджыдæр сæ цы дзаумæттæ хъæуы, уыдон балхæнынæн. Битарты Вячеслав загъта, бинонтæн кæй баххуыс кæндзысты.
Мæздæджы центрон рынчындоны дохтыр Алена Мягких та ракуырдта, цæмæй йын медицинон академийы ординатурæйы, хæцгæ низты хайады бынат скæной, уымæн æмæ сæ районы сты æрмæтсдæр 2. Битарты Вячеслав загъта, æнæниздзинад фидар кæныны министрады æргом кæй аздахдзæн ацы фарстамæ.
Дыгъуызты Альбинæйы курдиат уыд йæ 12-аздзыд сывæллонæн санаторимæ путевкæ, йе нæниздзинад цудыд кæй у, уымæ гæсæ. Пенсиисæг Гулияр Сулиева дæр йе нæниздзинадмæ гæсгæ хъæуы путевкæ. Уыцы курдиæттæ лæвæрд æрцыдысты республикæйы фæллойы æмæ социалон райрæзты министрадмæ. Ольга Кранова хъомыл кæны инвæлид сывæллоны, хъæуы йæ коляскæ, йæ аргъ та у – 96 мин сомы. Уымæй уæлдай 9-аздзыд сывæллоны хъæуынц зынаргъ хостæ. Республикæйы сæргълæууæг бахæс кодта уæлæмхасæн фондæй йын радих кæнын фæрæзтæ.
3 сывæллоны мад Кочораты Зæлинæ загъта, йæ цардæмбалимæ æрæджы балхæдтой хæдзар, фæлæ дзы нæдæр газ, нæдæр дон ис. Се фтиæгтæ та сты кадавар, æмæ сæ сæхи бон саразын нæу.
Æлборты Мулдар та радзырдта йæ нысанты тыххæй, фæнды йæ æхсыры куыст кæнын. Сæрмагонд кусæнгарз самал кæнынæн та йæ хъæуы паддзахадон æххуыс. Республикæйы сæргълæууæг загъта, ацы фарстайы йын кæй баххуыс кæндзысты экономикæйы министрады.
Адæмы курдиæттæм гæсгæ æппæт профилон министрадтæн радтой хæслæвæрдтæ, æмæ сбæлвырд кодтой, цы æмгъуыдмæ сæ хъæуы, уый.
