Мидхъуыддæгты министрады оргæнты куыст кæдфæндыдæр вæййы тæссаг
Мæздæджы районы пъæлицæйы хайады уыди патрулон службæйы минæвæрттæ, дины куысджыты æмæ æхсæнадон советы фембæлд. Мидхъуыддæгты министрады оргæнты куыст кæдфæндыдæр вæййы тæссаг. Мæздæджы аргъуаны сауджын Роман Заводов пъæлицæйæгтимæ æрныхас кодта удварны хæзнатыл, æмæ сæм фæсидтис Фыдыбæстæйæн службæ кæныны традицитæ æххæст кæнынмæ. Дæнцæгтæ сын æрхаста Уæрæсейы историйы цы бирæ хъæбатыр æмæ сгуыхтдзинæдтæ уыди, уыдонæй. Ведомствæйы ахæм фембæлдтытæ вæййы рæстæгæй-рæстæгмæ. Æхсæнады минæвæрттæ ма ныхас кодтой ноджыдæр иу ахсджиаг фарстайыл – адæмы æууæнкдзинад пъæлицæмæ. Ахæм æмбырдтæ ма афæдзы кæронмæ уыдзысты ноджыдæр цалдæр пъæлицæйы дæлхайады. Баст уыдзысты рæзгæ фæлтæры хъомыладимæ, юридикон ахуырад райсынимæ æмæ фыццаг æххуыс бакæнынимæ.
