филиал вгтрк государственная телерадиовещательная компания “Алания”

Дыккаг аз Мæздæджы районы парахатæй бæрæг кæнынц æфсæддон сгарæджы бон. Уый кадæн Мæздæджы сæйраг фæзы арæзт æрцыдысты егъау мадзæлттæ. Уазджытæн равдыстой æфсæддон техникæ. Студенттæ æмæ скъоладзаутæ байхъуыстой цымыдисаг лекцимæ дæр. Сæ арæхстдзинад равдыстой сгарæн бригады службæгæнджытæ. Ацы аз программæ уыд хъæздыгдæр – адæмæн равдыстой, æфсæддон уавæрты машинæты колоннæ куыд фæцæуы, уый. Фæстæдæр та се ппæтæн дæр фадат уыд æфсæддон хæринæгтæй ацаходынæн, æмæ цымыдисаг концертмæ бакæсын. Мæздæджы районы бынæттон хицауадæй та  æфсæддонтæн радтой майдантæ, кады гæххæттытæ æмæ арфæйы фыстæджытæ.