Иу бонмæ хирургы, маммологы, гинекологы æмæ урологы коснультацитæ райстой 150 пациентæй фылдæр
Мæздæджы районы поликлиникæ бабæрæг кодтой республикæйы онкологон диспансеры сæйраг специалисттæ. Иу бонмæ хирургы, маммологы, гинекологы æмæ урологы коснультацитæ райстой 150 пациентæй фылдæр. Акци «Онкодесант» саразыныл бакуыста æнæниздзинадхъахъхъæнынады Министрад. Йæ сæйраг нысан – онкологон низтæ раззаг стадийыл раиртасын. Медицинон æркасты рæстæг дохтыртæ пациенттæн лæвæрдтой амынддзинæдтæ, дарддæр куыд архайын хъæуы, уый тыххæй. Зæгъæн хъæуы уый, æмæ ахæм акци сси традицион. Специалисттæ Мæздæджы районмæ фыццаг хатт не рбацыдысты. Сæ ныхæстæм гæсгæ, онкологон низтæ рагацау рабæрæг кæнгæйæ, ис фадат се сдзæбæх кæнынæн. Дохтырты нысантæм гæсгæ, абалц кæндзысты республикæйы алы районмæ дæр.
