Филологон факультеты лингвисттæ ахуыр кæнынц хъуымыхъхъаг æвзаджы теркаг диалекты хицæндзинæдтæ
Мæздæджы районы Предгорныйы 4-æм аз кусы Михаил Ломоносовы номыл Мæскуыйаг паддзахадон университетæй ахуыргæндты къорд. Филологон факультеты лингвисттæ ахуыр кæнынц хъуымыхъхъаг æвзаджы теркаг диалекты хицæндзинæдтæ. Дзурынц ыл, Цæгат Ирыстоны территорийы цы хъуымыхъхъæгтæ цæрынц, уыдон. Экспедицийы наукон разамонджытæ æмæ студенттæ цалдæр къуырийы дæргъы æмбæлынц алы кары æмæ дæсныйæдты минæвæрттимæ, ахуыр сын кæнынц сæ лексикæ. Раздæры балцыты хатдзæгтæм гæсгæ, студенттæ ныридæгæн ныффыстой 20 наукон уацæй фылдæр. Семæ фæархайынц конференциты, æрмæджытæ вæййынц курсон æмæ дипломон куыстыты бындуры. Ахуыргæндтæ цæрынц Предгорныйы. Бынæттон цæрджытæ сыл æхсызгонæй сæмбæлдысты. Лингвисттыл бацин кодтой Хъызлары дæр. Уым æнгом цæры хъуымыхъхъæгты 10 мин минæварæй фылдæр.
