Бирæ рæстæг хъæуы нæ уыд медицинон пункт
Мæздæджы районы Предгорныйы байгом амбулатори. Бирæ рæстæг хъæуы нæ уыд медицинон пункт. Ацы æхсызгон цауы фæдыл цæрджытæн раарфæ кодтой республикæйы æнæниздзинадхъахъхъæнынады министр Тебиаты Сослан, Мæздæджы районы сæргълæууæг Гугиты Геннадий, районы рынчындоны сæйраг дохтыр Бузойты Азæмæт. Райдзаст бæстыхай, хицæн кабинеттæ специалисттæн æмæ процедурæтæгæнæн агъуыстытæ, хъæугæ хъæддзаума æмæ медицинон кусæнгæрзтæ. Амбулатори алцæмæйдæр у æххæст. Уыдзæн дзы афтек дæр. Амбулаторийы кусдзæн 12 адæймаджы. Медицинон куыстуат арæзт æрцыд национ проект «Æнæниздзинадхъахъхъæнынад» æххæстгæнгæйæ. Ацы аз ма Мæздæджы районы байгом амбулатори Виноградныйы, байгом кæнынмæ ма цæттæ кæны медицинон куыстуат Притеречныйы дæр.
