Бæстыхай сарæзтой 70 азы размæ
Мæздæджы районы Притеречныйы поселочы скъолайы райдыдта бындурон цалцæг. Бæстыхай сарæзтой 70 азы размæ. Уыцы рæстæмæ дзы рацарæзт иу хатт дæр нæ уыд. Специалистты хæс – аивын сæйраг конструкцитæ æмæ инженерон коммуникацитæ. Куыстытæ цæуынц национ проект «Ахуырад» æххæстгæнæнгæйæ. Бæстондæр радзурдзæн Чехойты Фатимæ.
Скъола рагæй уыд цалцæггæнинаг. Куыстытæ райдыдтой ацы мæйы райдиан. Аразджытæ фесты демонтажгонд. Ныртæккæ цæттæ кæнынц ног къæпхæнмæ – инженерон конструкцитæ ивынмæ. Объекты æрцæудзæн егъау рацарæзт. Баивдзысты бæстыхайы сæр, базилдзысты йын йе *ддаг къулмæ.
Скъола арæзт æрцыд ивгъуыд æнусы 50-æм азты. Уæдæй нырмæ дзы бындурон цалцæг иу хатт дæр нæ уыд. Ахуыргæнæндонæн ис дыууæ бæстыхайы. Скъоладзауты нымæц хæццæ кæны 130-мæ. Бындурон цалцæджы фæстæ бæстыхай уыдзæн ноггонд, нырыккон инженерон системæйæ æххæст, дзуапп дæтдзæн æдасдзинады домæнтæн. Ахуыргæнæндоны директоры хæстæ рæстæгмæ æхххæстгæнæг Иринæ Матвиенко куыд фæбæлвырд кодта, афтæмæй бындурон цалцæгмæ рагæй æнхъæлмæ кастысты.
Цалцæджы рæстæг ахуырадон процесс не *рлæууыд: цæуы фæткмæ гæсгæ – поселочы рæвдауæндоны. Уым рагацау бацæттæ кодтой кабинеттæ, скъоладзаутæн сарæзтой æппæт фадæттæ ахуыр кæнынæн. Бындурон цалцæг цæуы национ проект «Ахуырад» æххæстгæнгæйæ. Æппæт куыстытæ хъуамæ фæуой 1-æм августмæ.
