Арæзт дзы æрцыд фæсивæдон турнир
Мæздæджы районы Терскæйы станицæйы сбæрæг кодтой шахмæтты Æппæтадæмон бон. Арæзт дзы æрцыд фæсивæдон турнир. Ерыстæ саразыныл бакуыстой моделон библиотекæйы специалисттæ. Фæсивæдæн равдыстой тематикон видеоролик, радзырдтой сын ацы хъазты историйы тыххæй. Шахмæтты традициты тыххæй станицæйы æвзонг цæрджытæ базыдтой чингуытæй дæр. Уыдон та равæрдтой импровизацигонд равдысты. Уый фæстæ турнир саразджытæ ерысты архайджыты зæрдыл æрлæууын кодтой хъазты домæнтæ æмæ фæтк, стæй сæппæрстой хæлттæ. Турниры архайдтой 20 адæймаджы онг. Се ппæт дæр сты, ацы интеллектуалон хъазт чи уарзы, ахæм адæм. Шахматисттæ сæ зонындзинæдтæ æвдыстой цалдæр къæпхæны. Хатдзæгтæм гæсгæ сбæрæг кодтой уæлахиздзауты. Кады гæххæттытæ æмæ зæрдылдарæн лæвæрттæ скодтой алы архайæгæн дæр.
