19 августа 2019, 14:42
Мæздæджы районы цæрджыты цымыдисдзинад рæзы бархион адæмон дружинæтæм
Æрæджы дружинæтæ фæзынди Притеречныйы æмæ Терскийы поселокты
Мæздæджы районы цæрджыты цымыдисдзинад рæзы бархион адæмон дружинæтæм. Æрæджы дружинæтæ фæзынди Притеречныйы æмæ Терскийы поселокты. Дыууæ къорды хыгъды дæр сты, йæ райгуырæн бæстæйыл иузæрдион чи у, æмæ йæ граждайнаг хæс зæрдæйæ чи æххæст кæны, ахæм адæм. Æмгуыстад кæнынц адæмимæ. 2019-æм азы фыццаг æмбисы, пъæлицæйы кусджытæ адæмон дружинæтимæ иумæ Мæздæджы районы адæмы æдасдзинад бахъахъхъæдтой 200 дзыллон мадзалæй фылдæры. Бархионтæ хъæугæ зонындзинæдтæ райсынц сæрмагонд ахуырты. Притеречныйы æмæ Терскийы дружинæты къордтæ ацы бонты райдайдзысты поселокты уынгты суткæгай рад хæссын.