Куыстытæ 2 азмæ нысангонд сты, уымæ гæсгæ корпустæ цалцæг кæнынц къæпхæнгай
Мæздæджы районы цæуы 5 скъолайы бындурон цалцæг. Куыстытæ 2 азмæ нысангонд сты, уымæ гæсгæ корпустæ цалцæг кæнынц къæпхæнгай. 1-æм сентябрьмæ фæнд кæнынц цалцæггонд агъуыстыты хай сцæттæ кæнын станицæ Луковскæйы æмæ Мæздæджы скъола-интернаты. Мæздæджы 3-æм скъола æнæхъæн аз, цалынмæ сæйраг бæстыхайы бындурон цалцæг нæ фæуа, уæдмæ кусдзæн, 2022-æм азы цы корпус сарæзтой, уым. Хъызлары зонындзинæдты бонмæ байгом кæндзысты 500 бынатæн ног ахуыргæнæндон. Уырдæм бацæудзысты Хъызлары 1-æм скъолайы ахуырдзаутæ. Сабырдзинады уынджы зæронд бæстыхай та 2025-æм азы бындурон сцалцæг кæндзысты, æмæ уæд лæвæрд æрцæудзæн Хъызлары 2-æм скъолайæн куыд структурон дæлхайад. Скъолатæ цалцæггонд цæуынц дизайн-проекттæм гæсгæ. Сног кæндзысты коммуникацитæ, рудзгуытæ, пъолтæ æмæ бæстыхæйтты сæртæ. Баивдзысты хъæддзаумæ, бафтаудзысты кусæнгæрзтæ.
