Зындгонд поэмæ «Руслан и Людмила» иттæг хорз равдыста сфæлдыстадон къорд
Мæздæджы культурæйы Галуаны равдыстой мультимедион проект «Пушкины аргъæуттæ». У Президентон хъæппæристы Фонды грант рамбулæг. Зындгонд поэмæ «Руслан и Людмила» иттæг хорз равдыста сфæлдыстадон къорд. Уыдон та сты Хуссар Ирыстоны паддзахадон театры режиссер Дзудцаты Тамерлан, Хуссар Ирыстоны адæмон артисткæ Натия Чохели, Тæбæхсæуты Балойы номыл Ирон академион театры артисттæ Пагæты Фатимæ æмæ Кокуаты Андрей, Мариинаг театры солист Амир Рахимов, стæй Уæрæсейы театралон архайджыты Цæдисы уæнгтæ Елена Давыдова æмæ Вячеслав Хабитов. Театралон архайджыты цæдисы регионалон хайад æмæ Паддзахадон филармони систы ацы мультимедион проекты хъæппæрисы атвортæ. Национ инструментты оркестр «Ирыстон»-æн разамынд дæтты Цæгат Ирыстоны сгуыхт артист Ходы Олег. Ацагътой Михаил Глинкæйы уацмыстæ. Егъау рухстауæн проектмæ бакæсынмæ æрбацыдысты Мæздæджы районы скъолаты ахуырдзаутæ, уырыссаг аив дзырд уарзджытæ, стæй театралон аивадæн аргъгæнджытæ.
