Бæрæгбон ныр 6-æм хатт ацыд Мæздæджы аргъуанты зылды æмæ районы администрацийы æххуысæй
Мæздæджы сæйраг фæзы арæзт æрцыд бинонты традицион кулинарон фестиваль. Бæрæгбон ныр 6-æм хатт ацыд Мæздæджы аргъуанты зылды æмæ районы администрацийы æххуысæй. Мадзалы сæйраг нысан – бинонты традицитæ бахъахъхъæнын. Ацы аз районы хъæуты минæвæрттæ баиу сты хицæн командæты. Алы командæ дæр сфыхта адджын гуыл, æмæ радзырдта йæ рецепты сусæгдзинæдты тыххæй. Конкурсы жюрийы уыдысты профессионалон кондитертæ. Сфæлдыстадон хайæн та аргъ кодтой культурæйы куыстуæтты разамонджытæ æмæ администрацийы специалисттæ. Æртæ хуыздæр æфсиныл нымад æрцыдысты поселок Притеречныйы, Теркаг станицæйы æмæ Комаровайы минæвæрттæ. Æппæт архайджытæн дæр радтой кады гæххæттытæ æмæ зынаргъ лæвæрттæ.
