Районы бæрæгбон «Хлеб – всему голова!» саразыныл бакуыстой национ-культурон æхсæнад «Русь» æмæ бынæттон культурæйы Галуан.
Мæздæджы сæйраг фæзы кад кодтой æппæтæй ахсджиагдæр æмæ хъæугæдæр дæсныйæдты минæвæрттæн.
Районы бæрæгбон «Хлеб – всему голова!» саразыныл бакуыстой национ-культурон æхсæнад «Русь» æмæ бынæттон культурæйы Галуан. Мадзалы архайдтой 200 адæймаджы онг. Сæ тыхтæ бафæлвæрдтой алыхуызон конкурсты, викторинæты æмæ тематикон фæзты. Скъоладзаутæ сæхи къухтæй скодтой дзултæ æмæ адджын гуылтæ, ныффыстой нывæцæнтæ. Национ-культурон æхсæнады минæвæрттæ æмæ амалхъом адæм раргом кодтой дзул фыцыны сусæгдзинæдтæ. Сæ зонындзинæдтæ равдыстой горæты цæрджытæ дæр. Мæздæджы механикон-технологон техникумы ахуыргæнинæгтæ та скодтой дæсныйадæвдисæг ахуыртæ лауызтæ æмæ адджинæгтæ кæнынæй. Бæрæгбоны архайджытæ хорзæхгонд æрцыдысты зæрдылдарæн лæвæрттæй æмæ кады гæххæттытæй. Кæронбæттæны та адæмы зæрдæтæ сæ курдиатæй барухс кодтой районы культурæйы Галуаны сфæлдыстадон коллективтæ.
