Ацы хатт горæты сæйраг фæзмæ æрбамбырд сты æппæт районы хæринаггæнджытæ
Мæздæджы сарæзтой кулинарон фестиваль бинонты хсæн. Ацы хатт горæты сæйраг фæзмæ æрбамбырд сты æппæт районы хæринаггæнджытæ. Адджинæгтимæ, дзидзаимæ, кæсагимæ, алыхуызы гуылтæ æмæ чъиритæн æртæ номинацимæ гæсгæ аргъ кодтой жюрийы уæнгтæ. Номинаци бинонты гуылы кулинартæ дзырдтой сæ архайды сусæгдзинæдты тыххæй. Ис дзы ахæмтæ дæр, кæцытæ фæлтæрæй фæлтæрмæ дæттынц йæ саразыны рецепт. Бæрæг куыд у, афтæмæй ахæм хъæуыддæгтæ та семæ хæссынц цымыдисаг бинонты историтæ. Уыдоны кой та, мадзалы архайджытæ, ракодтой фестивалы презентацийы рæстæг. Æппæт архайджытæн дæр лæвæрд æрцыд кады гæххæттæ æмæ зæрдылдарæн лæвæрттæ. Хуыздæр гуыл скæнæджы хæрзиуæг та æрхауд Мæздæджы, Павлодольскæйы æмæ Ново-Осетиновскæйы станицæты минæврттæм.
