Ацы бынаты сты, Цæцæны республикæйы контртеррористон операцийы рæстæг чи фæмард, ахæм 80 æбæрæг салдатæй фылдæр
Мæздæджы национ-культурон æхсæнад «Русь»-ы минæвæрттæ æмæ бархионты отряд «Зæрдæйæ зæрдæмæ»-йы скъоладзаутæ сарæзтой зиу хæстон ингæны территорийыл. Ацы бынаты сты, Цæцæны республикæйы контртеррористон операцийы рæстæг чи фæмард, ахæм 80 æбæрæг салдатæй фылдæр. Фыдыбæстæйы сæрвæлтау йæ цард чи нæ бавгъау кодта, уыдоны ма рох кæнын æмæ сын сæ намысон бынæттæм зилын, ахсджиаг у сывæллæтты хъомыл кæныны хъуыддаджы. Ныр бирæ азты дæргъы Мæздæджы гарнизоны территорийы цы æфсæддон хайæдтæ ис, уыдоны минæвæрттæ, стæй æхсæнадон организациты уæнгтæ æфснайынц ахæм бынæттæ. Зиуты ма фæархайынц Мæздæджы æмæ станицæ Луковскæйы æхсæнадты хъазахъхъæгтæ æмæ организаци «Сыгъдæг горæт»-ы минæвæрттæ. Мадзалы архайджытæ ма ныссагътой дæсгай талатæ дæр.
