Сæххæст ыл 261 аз
Мæздæджы сбæрæг кодтой горæты бон. Сæххæст ыл 261 аз. Бæрæгбоны сæйраг фæзуат сси, бынæттон цæрджытæ Сырх фæз кæй хонынц, уыцы бынат. Уыцы бон Мæздæг бабæрæг кодтой нæ республикæйы алы районты минæвæрттæ, стæй ма уазджытæ Дагестанæй æмæ Цæцæны республикæйæ. Горæты бонмæ бацæттæ кодтой алыхуызон тематикон равдыстытæ. Уымæй дарддæр адæмы суазæг кодтой алы культурон æхсæнадты минæвæрттæ. Бацæттæ сын кодтой национ хæринæгтæ. Сценæйæ та уазджыты зæрдæтæ барухс кодтой зындгонд артисттæ æмæ сфæлдыстадон коллективтæ. Бындур æвæрд ын куы рцыд, уæдæй фæстæмæ горæт-фидар Мæздæгæн уыд стратегион нисаниуæг. Абон та Мæздæджы арæзт цæуынц ног социалон, спортивон объекттæ, ног микрорайонтæ. Хъæздыг истори æмæ алы адæмыхæттыты хсæн традицитæ – уый у, бынæттон горæты цæрджытæ сæрбæрзонд кæмæй сты, ахæм хъуыддæгтæ.
