Стыр бæрæгбон сарæзтой Мæздæджы МадыМайрæмы номыл аргъуаны.
Знон бæрæггонд цыди мады бон. Уый кадæн арæзт цыдысты алыхуызон мадзæлттæ. Йе вæрæн æм бахастой Мæздæджы цæрджытæ дæр. Стыр бæрæгбон сарæзтой Мæздæджы МадыМайрæмы номыл аргъуаны. Дины скъолайы хъомылгæнинæгтæ йæм бацæттæ кодтой зæрдæмæдзæугæ концертон программæ. Æппæтæй ахсджиагдæр æмæ зæрдæбын ныхæстæ ракодтой сæ ныййарджытæн. Уыимæ – æмдзæвгæты, зарджыты, аргъуыдты æмæ ма суанг нывты дæр. Аргъуаны бацæуæны сабитæ равæрдтой сæ мадæлты портретты равдыст. Цымыдисаг уымæй уыд, æмæ дзы алчидæр хъуамæ базыдтаид йæхи. Бæрæгбоны ма уыдысты видео æмæ фотопрезентацитæ, темаиткон инсценирвкæтæ, æппæт бинонтæн конкурстæ. Ахæм мадзæлттæ се ппæты дæр кæнынц æнгомдæр æмæ хæларзæрдæдæр. Уæвгæ та Мæздæджы МадыМайрæмы аргъуаны ныййарджыты кадæн мадзæлттæ арæзт фæцæуынц алы аз дæр. Ацы хатт æм йе вæрæн бахастой мадæлтæ сæхæдæг дæр.
