Районы культурæйы хæдзары сæмбырд сты æвзонг спортсментæ æмæ сæ ныййарджытæ, тренертæ æмæ ахуыргæнджытæ, раздæры азты рауагъдонтæ, горæты администрацийы минæвæрттæ
Мæздæджы сбæрæг кодтой спортивон скъола «Дзюдо»-йы 40 азы юбилей. Районы культурæйы хæдзары сæмбырд сты æвзонг спортсментæ æмæ сæ ныййарджытæ, тренертæ æмæ ахуыргæнджытæ, раздæры азты рауагъдонтæ, горæты администрацийы минæвæрттæ. Ныртæккæ скъолайы спортзалты архайы сæдæгай лæппутæ æмæ чызджытæ Мæздæгæй æмæ районы хъæутæй. Æрмæст фæстаг азмæ скъолайы хъомылгæнинæгтæ архайдтой, æппæтадæмон, æппæтуæрæсеон æмæ регионалон æмвæзады дæсгай турнирты. 2 азы фæд-фæдыл скъола сси Сывæллæтты лигæ «Локомотив»-ы æппæтуæрæсеон ерысты чемпион. Рæзгæ фæлтæр хорз бæрæггæнæтæ æвдисы, æрмæст Уæрæсейы спортивон мадзæлтты нæ, фæлæ фæсарæнты дæр бæстæйы кад хъахъхъæнгæйæ. Се *хсæн Дзебойты Аминæ – Тбилисийы фæуæлахиз Европæйы Кубок рамбулыны ерысты дзюдойæ. 20 азы спортивон скъолайы хыгъды ис эстетикон гимнастикæйы къорд «Аланочка» дæр. 40 азмæ скъолайы схъомыл бирæ спорты мастертæ æмæ спорты мастертæм кандидаттæ.
