Тематикон дæлхайад ифтонг у нырыккон техникон фæрæзтæй
Мæздæджы скъола-интернаты байгом кодтой Къомайты Русланы номыл космонавтикæйы скъолайы хайад. Тематикон дæлхайад ифтонг у нырыккон техникон фæрæзтæй. Алцыдæр арæзт у уымæн, цæмæй космос иртасджытæ ахуыр кæной æмбæлгæ уавæрты. Скъолайы арæх арæзт фæцæуынц гом ахуыртæ. Космосы дунеимæ базонгæ уæвынмæ хонынц районы æндæр ахуыргæнæндæтты минæвæртты дæр. Уазджытæн радзурынц Сергей Королевы æмæ Юрий Гагарины тыххæй, стæй не мзæххон Къомайты Русланы цардвæндаджы тыххæй дæр. Космонавтикæйы скъолайы дæлхайæдтæ абон кусынц республикæйы 6 районы. Сывæллæттæн космос иртасын у тынг цымыдисаг. Ацы къабазмæ се ргом здахынц, йе нæниздзинад хъыгдард кæмæн у, ахæм кæстæртæ дæр. Уыимæ канд зонындзинæдтæ нæ исынц, фæлæ ма сæ сфидар кæнынц сфæлдыстадон æрмадзы.
