Уæвгæ, Николай Петрович Рябых сæрмагонд транспортæй цух кæй æййафы, уый тыххæй йæ сюжеты радзырдта не мкусæг, паддзахадон телерадиокомпани «Алани»-йы уацхæссæг
Мæздæджы социалон лæггæдты комплексон центры кусджытæ Фыдыбæстæйы Стыр хæсты архайæгæн балæвар кодтой инвалиды коляскæ. Уæвгæ, Николай Петрович Рябых сæрмагонд транспортæй цух кæй æййафы, уый тыххæй йæ сюжеты радзырдта не мкусæг, паддзахадон телерадиокомпани «Алани»-йы уацхæссæг Наталья Фрейберг. Куыддæр эфиры рацыд, афтæ дзуапп райстой республикæйы фæллойы æмæ социалон рæзты министрадæй. Мæздæджы районы социалон лæггæдты комплексон центры специалисттæ ссардтой æнцонфадатджын транспортон фæрæз æмæ йæ баластой ветеранæн. Ныр Николай Петровичæн йæ бон уыдзæн арæхдæр уынгмæ цæуын. 9-æм майы та нысан кæны Уæлахизы Парк бабæрæг кæнын. Николай Петрович Рябых райгуырд Мæздæджы. 16-аздзыд лæппуйæ ацыд фронтмæ. Фæцыд Ростовæй Львовы онг. Уый фæстæ уыдысты 1-аг Украинаг фронт, Варшава, Краков, Берлин. Николай активонæй фæдзуры йæ мысинæгтæ скъоладзаутæн. Уыдон дæр æм тынг уарзынц уазæгуаты уæвын.
