Бæрнон жюрийы размæ рахастой, Михаил Бартенев æмæ Андрей Усачевы пьесæйы мотивтæм гæсгæ фыст аргъау «Загадки Курочки Рябы»
Мæздæджы сывæллæтты театр «Синяя птица» ацыд æвзарæн къæпхæн, хæдахуыр театралон коллективты 33-æм æппæтуæрæсеон æрвылазон фæсивæдон фестиваль-конкурс «Театральная завалинка»-йы æвзарæн къæпхæнмæ. Бæрнон жюрийы размæ рахастой, Михаил Бартенев æмæ Андрей Усачевы пьесæйы мотивтæм гæсгæ фыст аргъау «Загадки Курочки Рябы». Цымыдисаг постановкæ фæцыд куыд сывæллæтты, афтæ хистæр кары аивадуарзджыты зæрдæмæ дæр. Ацы аз фестиваль сбастой Уæрæсейы адæмты театралон аивады хæдбындурдзинадимæ. Онлайн-æвзарæн куысты хатдзæгтæм гæсгæ равзæрстой 150 сфæлдыстадон коллективы, нæ бæстæйы алы регионтæй. Конкурсон спектакльты сæйраг домæнтæ сты – аивадон æрмдзæф, режиссерон æрхъуыды æмæ актерты дæсныдзинад.
