Регионты хсæн форумы архайдтой Кæсæг-Балхъары, Хъæрæсе-Черкесийы æмæ Адыгейы республикæты минæвæрттæ
Мæздæджы цæрæг Кæсгæтты Цæдис сбæрæг кодта йæ 30 азы юбилей. Регионты хсæн форумы архайдтой Кæсæг-Балхъары, Хъæрæсе-Черкесийы æмæ Адыгейы республикæты минæвæрттæ. Районы культурæйы хæдзары равæрдтой кæсгон адæмы рагзаманты традицитыл дзурæг æрмæджытæй равдыст. Уазджытæн бацæттæ кодтой кæсгон национ хæринæгтæ дæр. Равдысты ма фенæн уыди кæсгон кънязты хуызистытæ, сæ цардвæндагæй ист скъуыддзæгтимæ. Цæдисы уæнгтæн юбилейы фæдыл арфæ ракодтой бынæттон хицаудзинады оргæнтæ, Кæсæг-Балхъары разамынд, Цæгат Ирыстоны национ политикæ æмæ æддагон бастдзинæдты фæдыл министрады, стæй Хъæрæсе-Черкесийы æппæтадæмон ассоциацийы минæвæрттæ. Цæдисы уæнгты активисттæ сæ рагфыдæлты традицитæ бахъахъхъæнынмæ æгæрон æвæрæн кæй хæссынц, уый тыххæй хорзæхгонд æрцыдысты кады гæххæттытæ æмæ арфæйы фыстæджытæй.
